ما هي أساسيات الرسم ؟؟

 

السلام عليكم اليوم سنتكلم عن أساسيات الرسم المفروض دي اول خطوة تبدأ منها بس ده ميمنعش انك تبدأ بأي حاجة تانية بس الأصح انك تعرف الأساسيات وبعدها تتعمق في أي جزء زي ما انت عايز ويلا نبدأ بدون مماطلة 

1-الأشكال والمجسمات

زي الدايرة المثلث المربع المستطيل وتفضل تدرب عليهم كتير علشان بعدين هتكتشف ان اي حاجة حواليك ممكن تتبسط للأشكال دي طبعا التدريب مش يكون برسمهم من الأمام فقط لا بل رسمهم من الجانب رسمهم بالمنظور هذا سيساعد في تطور رسمك بعدها تبدأ في رسم المجسمات والمجسمات هي عبارة عن الأشكال ولكن يتم تظليلها لتبدو ثلاثية الأبعاد ونفس الشيء تبدأ بالتدرب حتي تعتاد يدك عليهم 

2-التظليل

أي رسمها ترسمها تكون عبارة عن شيء مسطح حتي تظللها فأما تصبح ثنائية الأبعاد أو ثلاثية الأبعاد علي حسب طريقة تظليلك والتظليل يعتمد علي مكان الضوء فالمنطقة البعيدة لا يصل إليها الضوء تصبح معتمة وهكذا 

3-نظرية الألوان 

النظرية دي بتوضح ازاي تستخدم الألوان بشكل مش منفر للعين وبرضوا أحيانا مثلا تستخدم لإبراز شيء معين كإبراز صراع فتستخدم لونين كالأحمر والأزرق وأنا شايفاه حاجة متقدمة شوية بس مهارة مهمة  

4- ازاي ترسم الفيجرز 

ودي بتبقي مرحلة اسكتش لرسم الأناتومي ودي بتوضح فيها وضعية الشخصية هل هي جالسة ام واقفة وهكذا أنا شايفة انها من أهم الأساسيات اللي المفروض أي حد لازم يكون ملم بيها

5-رسم الأناتومي

وده في رغي كتير لأنه بيبقي في لعب جامد لعب ازاي يعني مثلا الاستايل بيختلف من شخص الي شخص وبالتالي الأحجام بتبقي مختلفة والأبعاد أنت اللي بتحددها فأنت اتعلم الأساسيات وبعدها ارسم بأسلوبك 

6-التكوين أو الكومبزشن

دي بتعتمد علي مكان الرسمة ودي بتتم بعد ما رسمت كل حاجة وبتتسأل هل الرسمة في المنتصف ستكون أفضل ام في الجانب وهذه بعض الأمثلة:

7-المنظور

لو سألنا سؤال بص حواليك هل حجم الحجات البعيدة هي نفسها حجم الحجات القريبة؟ هل لو بصيت للكوباية من فوق هو نفس الشكل لو بصيت للكوباية من تحت أكيد لا وهو ده اللي المفروض تتعلمه ازاي ترسم اي حاجة قريبة أو بعيدة عنك  

وده اتكلمنا عنه في مقال آخر وازاي تتعلمه
بالتفصيل:

https://manga6ka.blogspot.com/2023/01/perspective-httpswww.html

وبكدة نكون خلصنا النهاردة وإلي اللقاء